انا مش عارفة ابدأ منين .. انا بس قلت اكيد الحاجة الوحيدة اللي هتنفعني هيا الكتابة
تعالوا نوضح المشكلة الاول
سألت نفسي النهاردة انا متميزة في ايه؟
لقيت الاجابة ولا شيء
بالعكس انا اخد تقدير سيء جدا في معظم حياتي .. كنت بأجل كل حاجة واقول لنفسي لما اتجوز هبقى حرة نفسي واعمل اللي انا عايزاه
واديني اتجوزت
الجديد؟؟
لا شيء
بل ضفت لقايمة الفشل فشل جديد
في بنات قريبين من ربنا ودة شاغلهم عن حاجات كتير .. للأسف انا مش كدة
في بنات متميزين مثلا في شغلهم.. انا حتى الان مشتغلتش منتظرة التكليف
في بنات ستات بيوت بمعنى الكلمة .. انا بيتي يضرب يقلب بمعنى الكلمة برضو :D
في بنات ولا دي ولا دي لكنها زي ما بيقولو باربي ومهتمة بنفسها جدا .. انا دلوقتي حتى الكحل مش بحطه
قلت لنفسي نقطة ومن اول السطر
كدة مش هينفع نهااااائي
انا ضيعت كتير من عمري عالخطط والكلام الفاضي
اتى وقت التنفيذ .. يارب قدرني
اول الخطوات النهاردة لما ارجع من بره ان شاء الله
وهحط لنفسي هنا جدول تقدم بنقاط عشان اعرف انا تقدمي انهي درجة
استنوني
No comments:
Post a Comment